आम सञ्चार प्राधिकरण मधेश प्रदेशको आयोजना तथा नेपाल पत्रकार महासंघ पर्साको समन्वयमा पर्सेली पत्रकारहरूका लागि एकदिने एआई (कृत्रिम बुद्धिमत्ता) सम्बन्धी तालिम सम्पन्न भएको छ ।
आम सञ्चार प्राधिकरणका प्रमुख जितेन्द्र खर्गेको अध्यक्षतामा भएको कार्यक्रममा मधेश प्रदेशका प्रथम मुख्यमन्त्री लालबाबु राउत गद्दी, नेपाल पत्रकार महासंघका पूर्व महासचिव दीपेन्द्र चौहान, महासंघका सचिव आशोक तिवारी, पत्रकार महासंघ मधेश प्रदेशका सचिव दीपक गौतम तथा नेपाल पत्रकार महासंघ पर्साका सचिव विजय महतो लगायतका उपस्थिति थिए ।
तालिममा सहभागी पत्रकारहरूलाई एआई (कृत्रिम बुद्धिमत्ता) सम्बन्धी प्रशिक्षण पत्रकार सुरेश विडारीले दिएक थिए । उनले एआईबाट समाचार संकलन, सामग्री सम्पादन, तथ्य परीक्षण तथा डिजिटल पत्रकारितामा पुर्यााउने योगदानबारे बताए । एआई प्रविधिको जिम्मेवार र नैतिक प्रयोगले सञ्चार क्षेत्रलाई थप प्रभावकारी बनाउने समेत उनको भनाई थियो ।
कार्यक्रममा सहभागीहरूले एआईका आधारभूत अवधारणा, व्यवहारिक प्रयोग, अवसर तथा चुनौतीबारे चर्चा गरेका थिए । तालिमले सहभागीहरूको सीप अभिवृद्धि गर्दै आधुनिक सञ्चार अभ्यासमा सहयोग पुर्यारउने अपेक्षा गरिएको छ ।
