रानीघाटस्थित बिपिएस पल्स–२ कलेजले कक्षा ११ मा भर्ना भएका नयाँ विद्यार्थीहरूको सम्मानमा शुक्रबार होटेल भिस्वामा आयोजना गरेको वेलकम कार्यक्रम उत्साहपूर्वक सम्पन्न भएको छ ।
कक्षा १२ का विद्यार्थीहरूले आयोजनामा अगुवाइ गरेको उक्त कार्यक्रममा नृत्य, गायन, नाटकलगायत विविध सांस्कृतिक प्रस्तुतिमार्फत नयाँ विद्यार्थीहरूको स्वागत गरियो । कलेजका अनुसार विद्यार्थीहरूको उत्साह, प्रतिभा र सामूहिक सहभागिताले कार्यक्रम झनै आकर्षक बनेको थियो ।
कार्यक्रमका प्रमुख अतिथि पर्साका प्रमुख जिल्ला अधिकारी भोला दाहालले नयाँ विद्यार्थीहरूलाई शुभकामना दिँदै शिक्षाको भूमिकाबारे महत्वपूर्ण सन्देश दिए ।
दाहालले युवाहरूले जिम्मेवारीका साथ समाज र राष्ट्र निर्माणमा योगदान दिनुपर्नेमा जोड दिँदै कलेज प्रशासनलाई यस्ता प्रेरणादायी कार्यक्रम निरन्तर सञ्चालन गर्न आग्रह गरे । कार्यक्रममा कलेजका प्राध्यापक, कर्मचारी, अभिभावक र विद्यार्थीहरूको सक्रिय उपस्थिति रहेको कलेजले जनाएको छ ।
